2008年10月30日星期四

最低46, 最高96, 但個mean係94喎...

上個星期阿sir派番第一份assignment, 佢話最低46分, 最高係96份. 最變態既係, 佢話個mean係94分, 唔係咁變態呀? 係咪剔除佐最低46分才計先? 否則其他人咪全部都要九十幾分先可以拉番個mean有94分?
 

我幾多分? 咪係個mean囉... D同學原來咁變態.

2008年10月28日星期二

2008年10月7日(二) -- 台北之旅 Day 3

今日試下食中式早餐, 但原來都係西式早餐好食D.


 

今日第一站去買出名既鳯梨酥, 旅遊書話10點開門, 但係原來10點半先開, 於是我地係M記坐下先(因為有團友未食早餐). 買完野先返酒店check out, 然後再去中正紀念堂.


 

今日仍然有落雨, 好討厭. 中正紀念堂我之前已經黎過了, 唯一唔同既係而家改佐名叫自由廣場囉, 我地影下相, 逗留佐一陣就走勒.


 

台灣行程既最後一站係西門町, 我係果度食佐排骨面,阿宗面線, 同超熱氣點醬薯條, 跟住就周圍行下. 我覺得西門町其實無咩特別野好行, 我地大約點幾鐘去到西門町, 跟住大家約實三點半集合. 我同流沙包係西門町係咁漫無目的地行黎行去, 我地又無咩野要買, D 0靚妹仔飾物衣著又唔啱我睇,  結果有時候一條街來回行幾次, 最後攰到頂唔順索性係M記坐到夠鐘算數.

 

之後我地就返酒店出發去機場(因為我地人多, 所以book佐酒店車直接去機場, share番都唔係好貴, 唔駛煩).

 

係機場食下野, 行下, 打下機, 咁就完佐3日既台北之旅lu...


 

第二日仲要返工返學呀, shxt!!

 

 

2008年10月26日星期日

2008年10月6日(一) -- 台北之旅 Day 2

朝早起身先係酒店食早餐, 然後首站就去士林官邸, 果度係一個大花園, 個官邸就係花園裏面, 不過維修中哩...



 

之後我地就去佐便所餐廳(係呀, 我知香港都有), 我地叫佐馬桶甜品, 估唔到原來係咁大個架, 一大堆刨冰, 上面加D糖漿, 肚臍餅之類, 四個人share都未必食得晒. 不過D野上得好慢呀, 果陣人又唔係多, 但係D野等成大半個鐘先上, 嘥晒D時間.


 

然後我地去佐點水樓食小籠包, 不過我覺得味道都係不外如是. 呢個時候開始落雨啦, 討厭!!


 

食完飯我地打算行去維格拎紀念品(我地有幾張vouchers係手), 但係我地行錯路, 所以就放棄無去到. 直接搭車去北投啦~

 

去到北投無咩好行, 因為好多地方係星期一休館(係呀, 我地明知休館都照去), 結果行佐陣就走勒. 下一站去淡水, 我地去到已經天黑啦, 又落雨, 麻鬼煩. 我地沿住老街行下, 行上去買阿婆鐵蛋, 跟住就搭車走勒.


 

之後我地去士林夜市, 都係食下野行下街, 都無咩買到. 我覺得士林夜市無咁多野食啫, 好似饒河街多D野食喎...


 

去完夜市我地就返酒店, 果陣已經11點幾, 但我地唔係返去休息喎, 我地放低D野又出過去,  目的地係錢櫃. 台灣人唱K原來好鬼正經, 佢地無骰盅架, 真係唱歌就唱歌. 不過我覺得台灣既Karaoka比香港落後, 例如佢地仲用緊有線咪, 仲有歌書用歌號揀歌. 雖然果度都有個mon比你用歌星/歌曲分類去揀歌, 但我覺得系統落後, 又唔user friendly囉. 同埋D日文歌少過香港Neway... 不過佢地好在無果D呃人既花生果盤, 只有飲品既最低消費, 每位既飲品最低消費都只係廿零蚊港幣左右.

 

我地唱佐兩個鐘, 埋單每人百零蚊港幣(因為佢地有叫到啤酒同叫佐D野食), 唱到點零鐘就埋單返酒店訓覺.

 

2008年10月14日星期二

2008年10月5日(日) -- 台北之旅 Day 1

早前班friends話唔知幾時有機會可以一齊出國旅行, 估唔到講下講下呢次台灣之旅竟然成行, 仲要一行8人添, 勁呀~

 

我地係自由行唔係跟團, 5號朝早機出發, 由於我地好遲先買package, 所以搭唔到國泰機, 唯有局住搭華航.


 

個飛機餐有小籠包, 燒賣, 同一個豆沙餡既包包, 再加件cheese cake, 比想像中好啦~


 

去到台灣後到酒店放低D行李, 第一站就去Hello Kitty Sweets, 點知full booking, 我地四點幾去到, 佢話要七點先有位, 於是我地係門口影幾張相就走勒.



 

之後我地就拎住旅遊書周圍行下, 首先去佐食頂好哨子面, 經過餅舖又買下曲奇餅, 有friends話想去睇Converse, 於是就去佐睇.  


 

然後搭車去101, 去到原來又唔係上去, 只係行佐陣, 逗留佐半個鐘就搭的士去夜市勒.


 

今晚最後一站係饒河街夜市, 好多野食呀, 我地食佐雞排, 胡椒餅, 花枝丸, 臭豆腐, 蚵仔煎, 腸腸等等, 當然唔少得滷味啦~



 

之後我地就返酒店勒. 我地住果間酒店叫微風商務酒店, 因為我地遲book, 所以要住D貴價D既房, 估唔到間房竟然有按摩浴缸喎??! 不過我地覺得呢間酒店可能亦都做埋love hotel, 因為房裏面竟然有condom提供...

 


 

第一日已經攰到死, 都係早D訓先. (早極都成點幾鐘先訓...)

2008年10月13日星期一

《四條大路通陰間》-- 都睇得過既...

上個再上個星期五食完buffet, 身痕走佐去睇《四條大路通陰間》, 其實我一向對鬼戲都無咩特別興趣. 不過聽人講呢套鬼片算幾恐怖, 所以我都想「見識」下呢套鬼片係咪真係咁有料到.

 

成套戲分開四個故事, 我個人認為真係幾恐怖, 故事情節唔錯, 同埋好多失驚無神既大頭核突鬼樣彈出黎嚇你一驚, 加埋佢營造既氣氛, 都真係驚驚地. 我自問都算大膽, 之前睇過既鬼片我都唔覺得有邊套係恐怖, 但呢一套我竟然睇到用隻手遮住自己對眼, 0係D恐怖位又瞇起對眼黎睇.

 

第一個故事特別在係差唔多無對白, 九成九時間只得女角自己一人, 故事地點也只得一個; 第二個故事個結局我覺得幾特別既; 第三個故事驚得黎又有搞笑位, 又有嘲諷, 我覺得唔錯; 係第四個故事我覺得情節就麻麻地.

 

總括黎講, 如果你鍾意睇鬼戲, 呢套你一定唔可以錯過囉~

2008年10月9日星期四

Café Rendezvous -- 不俗的自助餐

地址: 尖沙咀麼地道70號海景嘉福酒店M層

電話: 2721-5161

 

我地每年都會join一D酒店既privilege club, 咁去佢地酒店食飯通常都會有半價優惠. 今年流沙包join佐InterContinental Grand Stanford Hong Kong. 不過我覺得唔係太抵, 得buffet先有半價優惠, 其他餐廳只有75折, 佢送果D coupon又唔係太有用, 又無免費住宿. 不過我知流沙包join黎都係打算間唔中同我食好D, 所以唔緊要啦.

 

我地上星期五就第一次去佐呢間酒店食buffet, 食物種類唔算太多, 都係例牌果D野啦, 不過呢度既生蠔係即叫即開既, 算係幾特別啦. 同埋呢度既刺身有帶子架~

 

甜品都算幾多款既, 但係無cheese cake同埋朱古力蛋糕既...

 

呢度每位加埋一應該要四百幾蚊, 我地用佐$100 coupon再半價, 埋單夾埋都要四百幾蚊啊~~

 

2008年10月6日星期一

幸福胃的素個廣告想點呀?

最近幸福胃的素個廣告我真係頂佢唔順, 兩條中坑+師奶超低能咁慢動作準備互咀, 想點呀?

 

疑問1: 點解要搵兩件阿茂阿壽拍? 又唔靚又唔型又老餅又肥腫難分係度表演深情互咀? 想表達D咩? 用佐幸福胃的素, 電車男/阿嬸都可以逢春?

 

疑問2: 呢個咩年代呀? 咀之前仲要咁樣對望, 然後慢動作咁靠近, 再作勢要咀落去... 嘩, 睇見想嘔, 簡直係超低能, 勁搞笑.

2008年10月5日星期日

大榮華酒樓 -- 好好味既灌湯餃

地址: 元朗安寧路2-6號2樓
電話: 2476-9888


國慶假期流沙包提議去飲茶, 元朗區既酒樓我地都飲過晒咁濟, 唯獨是大榮華我地從來都未去過飲茶(因為實好多人既). 國慶日我地終於決定去一次, 雖然有好多人係度等位, 但我地唔係等佐好耐(唔駛一個鐘)就有位勒.

 

點心係傳統酒樓有既點心, 唔會有D好花巧好新式既點心, 馬拉糕一定要叫啦. 另外我覺得個灌湯餃勁好味, 又足料, 味道又正~~

 

今次掛住食, 我地無影相呀...

2008年10月3日星期五

日本小朋友的一歳生日

我公司有個日本人, 佢個BB尋日一歳生日. 原來日本BB係出世後100日, 同埋一歳生日既時候, 要食一D特定既食物, 同埋有一D傳統既儀式要做.

 

例如魚係一定要食既野, 魚頭魚尾既方向係燒既時候一定唔可以調轉. 日本同事好有心, 佢另外整多佐set食物叫工人拎上黎我地公司, 有D材料仲係佢媽媽係日本專登帶過黎架~

 

おいしい~

 

2008年10月2日星期四

體重驟降

呢輪要返工, 返學. 工作上超忙壓力又大, 返學又辛苦又訓得少佐, 唔知係咪呢D原因, 所以呢排體重輕佐好多, 一個月內輕佐4磅. 同埋呢排唔知點解細食佐好多, 食少少野就飽. 以前食叮叮飯, 食完一個都唔覺得飽, 而家食半個已經飽到食唔落, 一個叮叮飯都可以分兩餐食, 勁!! 

 

我既體重就黎可以返番去結婚果陣咁fit... 我之前買落D唔啱著既褲, 而家已經著得落.