西歐之旅 Day 8(part 2) -- 遊運河, 睇鑽石

下一站我地去遊運河船河, 我個人覺得呢個船河比較悶, 一來沿途景色都無咩特別, 二來因為架船唔大, 我地只可以乖乖地坐係位, 唔可以走黎走去影相. 就咁就坐佐成個鐘, 真係幾悶.

 

 

 

 

 

呢架仲唔係珍寶海鮮舫?:

 

兩旁有好多houseboat:

 

遊完船河我地下一站去睇鑽石, 去到荷蘭睇鑽石並唔係因為荷蘭盛產鑽石, 而係佢既打磨技術好出名.

 

 

我當然又係咩都無買啦~

 

跟住我地就去食飯囉~~

 

用木屐做花盆:

唉...

呢幾日無時間+無心情寫blog, 歐洲之旅既行程我欠住大家先...

星期一同星期二出佐個客度做audit, 又文件又notebook一抽二"lung"山長水遠去到觀塘又重又累(我一向都好憎去觀塘, 由元朗出發要個半鐘先到).

而家無啦啦又要學埋做audit... 我都唔知點解, 砌個sales & purchases既transaction test同cut-off砌佐足足一日... 好有挫敗感, 然後做完先發覺其實應該做matching, 之前所做既野變得完全用唔著, 嗚... 我好蠢呀!!

我發覺我真係好唔鍾意做audit呀... 比我做番accounting同tax computation啦~~~~ 嗚嗚...

骨髓捐贈既檢驗結果

話說我之前去佐紅十字會抽血覆驗骨髓(詳情請參考呢度), 我見都隔佐成個月, 於是上星期五打電話去問吓結果如何, 結果係唔吻合.

暫時無機會幫到人, 希望下次有機會啦~

西歐之旅 Day 8(part 1) -- 新士堅斯風車村

今日一清早出發去風車村, 果度既環境令人感覺好舒服呀.

 

見唔見到我條頸紅色一撻撻好肉酸? 我額頭D皮膚敏感都未好番, 條頸又開始發, 真係煩死人!!

係果度仲可以參觀木屐既製造過程, 而家D木屐用機器做, 五分鐘就可以造起一隻木屐.

 

果度有好多同木屐有關既紀念品, 有飾物, 鎖匙扣等等.

另外仲可以行埋cheese farm, 有芝士製造既講解, 同埋可以隨便試食唔同既芝士. 我就唔係好鍾意食芝士, 所以又係乜都無買.

一舊芝士都好重吓架:

 

西歐之旅 Day 7(part 4) -- 紅燈區

食完飯導遊帶我地去睇吓當地紅燈區, 0係荷蘭娼妓係合法化.

我地搭呢D電車去:

因為歐洲法例規定司機每日只可以工作12小時, 所以如果我地每日朝早八點鐘出發, 就要每晚八點鐘返到酒店, 所以通常我地每晚都會0係酒店餐廳食, 慳番D車程時間. 由於今日司機已經工作佐12小時, 所以唔可以揸車車我地去紅燈區, 導遊好好, 佢自己帶我地搭車去(因為本身個行程係唔包括去紅燈區的).

夜晚十點半都未天黑:

紅燈區係唔可以影相的(除非你想比當地黑幫"招呼"), 所以無相post比大家睇囉(好失望呢?).

紅燈區真係令人大開眼界呀, D女仔真係著到好性感咁企係櫥窗度, 你睇啱既就可以入去"幫襯".

同埋果度有好多sex show表演.

離開佐紅燈區附近既景色:

 

 

西歐之旅 Day 7(part 3) -- Holiday Inn@阿姆斯特丹

離開德國, 要起程往荷蘭了.

大約每兩個小時車程就會去一去休息站比團友去toilet, 同埋要比時間司機抖一抖.

果然係荷蘭, 休息站都有花賣:

天氣熱車程長人又吽, 係時候買番支雪條提吓神, 盛惠€0.6(我已經揀一枝係比較平架喇):

搭佐好耐車, 終於黎到阿姆斯特丹喇, 我地今晚住Holiday Inn, 我覺得係成個trip當中第三正既酒店:

　

　

間酒店好靚架, 酒店出面有個人工湖:

間房都唔錯架, 我地房個窗外面就係個人工湖, 景色優美:

今日係酒店食晚飯, 味道麻麻.

好難飲既菜湯, 我飲佐兩啖就投降:

我已經唔記得呢舊係乜野:

甜品(墊底果pat唔係雪糕黎架, 只係cream而已):

食完dinner導遊帶我地去街街, 睇好野~~

西歐之旅 Day 7(part 2) -- 科隆大教堂(德國)

食完飯我地去科隆大教堂 Cologne Cathedral:

好高呀:

 

 

 

只要自己入錢落錢箱, 就可以點蠟燭架喇:

去完大教堂, 我地有少許自由活動時間, 梗係爭取時間shopping啦~

我終於見識到呢D畫喇:

 

 

西歐之旅 Day 7(part 1) -- 加素爾→科隆(德國)

今日係成個trip最長車程既一日, 朝早要搭四個幾鐘頭車由酒店出發往科隆, 然後係科隆食完飯參觀完教堂又要搭四個幾鐘頭車去荷蘭.

咁長車程, 當然一定要停休息站去吓toilet啦:

要排隊入閘去toilet:

德國去toilet好貴, 其他國家多數只係€0.2, 0係德國去toilet要€0.5:

不過呢張"toilet飛"可以係休息站既便利店當cash駛, 所以我地就買佐盒餅, 盛惠€2:

 

搭佐好耐車, 終於黎到科隆, 我地首先去食lunch:

 

粒肉丸好鬼難食架:

德國啤酒(呢餐包埋, 唔駛比錢):

唔飲啤酒的話可以轉飲可樂, 但係我覺得好似無咩汽咁, 唔知係咪因為歐洲係硬水既關係呢?:

今餐係食德國豬手, 好大隻呀!:

有左邊既小豬手同埋右邊既大豬手: