2009年10月31日星期六

2009年10月24日(六) -- 河口湖之旅 Day 1 (part 5) -- 奇蹟出現

既然行到上山頂都係搵唔番, 咁就唯有落番山啦. 流沙包好似仲未放棄咁, 繼續低頭搜索, 又踢吓D落葉去搵, 所以我行得比流沙包快.

行行吓突然間流沙包嗌住我, 大叫"搵到啦!", 吓? 我即刻衝埋去睇吓, 仲好白痴咁反問"係咪我地架, 會唔會係人地跌架?", 到我確認埋戒指上面刻住既紀念日期, 兩條白痴仔就係山上互相擁抱(好彩果陣無人行過, 否則會見到兩個香港黎既傻仔唔知係山上做乜)

說實在我真係無諗過可以搵得番架, 因為咁既環境, D樹葉遮住晒個路面, 唔通要逐塊樹葉踢開去搵?

 

流沙包又好野在唔放棄, 佢話行吓行吓見到有堆好大堆既樹葉, 於是去踢吓佢, 點知聽到一下金屬聲, 於是佢繼續係堆樹葉度踢, 終於比佢搵番隻戒指啦~ 我都覺得係奇蹟呀!


流沙包話搭纜車上番山既途中, 佢祈禱希望可以搵得番隻戒指, 如果搵得番就會更加錫呢個老婆(咁即係如果搵唔番可以對我差D?); 就算搵唔番, 佢都相信神既安排咁話喎.

 

雖然我無宗教信仰, 但如果祂真係存在的話, 我都很感謝祂.

2009年10月30日星期五

2009年10月24日(六) -- 河口湖之旅 Day 1 (part 4) -- 嗚, 唔見佐隻結婚戒 指...

我地搭纜車落番山後本來打算搭巴士去下一個景點, 點知等車果陣我發覺流沙包條運動頸繩個扣鬆佐. 流沙包一向將隻結婚戒指穿喺條頸繩度, 個扣鬆佐, 即係隻戒指已經唔見佐.

明明本來大家既心情都好愉快, 果刻當堂晴天pig pig. 一來隻戒指都唔平, 要HK$6,500; 二來即使返香港買番, 都已經唔係果一隻啦, 配番都好似無咩意思.

我地即刻諗吓到底會係邊度唔見, 最大可能應該就係天上山公園, 因為當時天氣太凍, 我曾經係山上將隻手塞佐入流沙包既衫領取暖, 估計可能就係咁整甩佐佢條頸繩個扣.

於是我地上番山嘗試搵番隻戒指, 但當時我心諗, 機會都好渺茫, 一來其實我地都唔肯定隻戒指係邊度唔見; 二來就算隻戒指確定係天上山公園唔見, 但要喺滿山落葉既山路中搵一隻戒指, 仲要我地沿途行佐唔少山路, 真係mission impossible...

但唔搵又好似對唔住自己, 所以我地沿住頭先行過既山路再行一次, 完全係大海撈針咁...

通地都係落葉, 點搵呀...?:

 
 


行到上山頂啦, 搵唔到呀!! 通地都係落葉, 完全唔覺得有搵得番既可能...

唉... 明明一個愉快旅程, 就此糟蹋佐...

2009年10月24日(六) -- 河口湖之旅 Day 1 (part 3) -- 天上山公園

下一站我地搭纜車上天上山公園(無錯, D行程同我上星期公司旅行做既野一樣, 都係遊船同搭吊車).

 
 
 
 


可以見到富士急遊樂場:


唉, 越黎越多雲, 就黎遮住晒成個富士山啦...:
 


 


跟住我地沿住山路行上山頂:
 
 
 


到啦, 估唔到係咁, 唔上黎都無咩損失:
 
 

2009年10月24日(六) -- 河口湖之旅 Day 1 (part 2) -- 遊覽船@河口湖

我地呢兩日打算好優閒地過, 所以無編排D好緊密既行程.

今日既第一站係搭遊覽船.

 


靚到好似假咁(D相無執過, D顏色係真的):
 


 
 
 
 
 


全程大約20分鐘, 我覺得短短地幾好, 再坐耐D就會覺得悶.


遊覽船詳情


遊完船有D肚餓, 去佐醫肚先.

十點幾就食到咁豐富, 係咪有D過份呢?:

 
 


食完飯見到對面有個公園D紅葉好靚, 於是過去影吓相先.

 
 

2009年10月29日星期四

2009年10月24日(六) -- 河口湖之旅 Day 1 (part 1) -- 新宿往河口湖

喺我既壓力同微言之下, 流沙包終於黎佐日本探我. 佢23號夜機到, 26號夜機返香港.

所以趁24同25號呢個weekend, 我地去佐山梨縣既河口湖玩.

由於朝早時段既高速巴士已經full晒, 我又唔想咁晏先去到河口湖, 所以焗住買特急車飛由新宿往大月, 再係大月轉富士急行線往河口湖駅.



因為我買指定席, 所以全程夾埋要2,690円(如果搭高速巴士只需要1,700円).

 


原定時間係7:55到大月, 點知好"難得"地班車竟然遲到, 8:03先到. 好彩跟住果班富士急行電車開8:19, 所以都唔駛太趕. 由大月往河口湖駅, 車費每位1,110円.



呢卡係咪好靚呢? 因為要另外加錢先可以搭架. 我地無加錢, 搭番D普通車卡:
 


我地7:00由新宿出發, 9:09終於黎到河口湖駅啦. 超凍囉, 著唔夠衫添...



河口湖車站:
 


去到車站買佐套遊覽船+纜車+巴士既套票, 夾埋只係2,000円, 幾抵架:


跟住搭呢隻河口湖周遊レトロバス暢遊河口湖各個景點:


レトロバス資料


2009年10月17日(六) -- 公司旅行Day 2 (part 2)

飲完啤酒後, 下一站黎到大室山坐吊車:

 


大室山應該係咁既樣(呢張係果度show出黎既相):


可惜今日陰天, 好天既話可以望到富士山架.



有個射箭場:


下面呢度係golf court:


呢個唔係富士山啊:


係大室山逗留佐一陣, 跟住我地去食lunch, 今餐係鐵板燒.

好大隻帶子呀:
 


自從黎佐日本之後, 我無再堅持唔食牛肉啦, 大隊食咩就食咩:
 
 




呢個甜品超難食, 係柚子味, 但質地好怪, 好似漿糊咁, 同埋係苦既:


食完飯就直接搭車去車站, 然後搭JR返東京lu:
 
 


兩日一夜公司旅行就此結束囉.