我講既0靚模唔係香港果D, 香港果班精神分裂既所謂0靚模, 唔值得我花時間去討論.
我今次想講既係日本model - ローラ.
睇日本電視節目既時候, 間唔中會見到呢條友做嘉賓, 我第一次見到佢已經睇佢唔順眼. 平時上節目既日本女性, D行為成日扮晒可愛, 扮純情扮天真無知咁, 我其實都已經見怪不怪(起碼TBS既田中アナ未至於令我覺得反感).
但係呢個ローラ, 真係超級難頂. 條友成日擠眉弄眼, 成日就鼓起泡腮扮可愛, 或者係將雙手放喺兩頰咁笑, 最最難頂就係成鬼日伸條脷出黎, 白痴呀?! 定係佢條脷會間歇性抽筋, 一定要伸出黎先得?
我知日本藝能界/model界競爭好激烈, 但要令人留下深刻印象都唔係要做埋呢D低能表情吖麻?! 呢條友真係令我好反感, 唔該快D消失.
繼上幾篇BLOG講到我的第一次團購, 今次想講吓我的第一次淘寶.
雖然淘寶又係興咗好耐, 但我一直都無諗過會喺淘寶網買野.
一來對大陸D野始終有戒心; 二來隔山買牛, 山長水遠咁運黎香港, 好似無咩保障咁; 三來我真係諗唔到有咩野要喺淘寶網買.
不過成日聽見D人話淘寶買野真係好抵, 於是呢排見得閒就上網八卦吓喺淘寶買野既流程係點, 順便睇吓有咩野啱買. (我唔會講我到底買咗D咩, 哈哈)
喺淘寶買野原來真係話咁快/易, 我星期六夜晚先落單比錢, 星期一我就已經收到貨, 勁!
喺呢度我或者試講講我自己既體驗啦~
1. 唔駛問首先當然要喺淘寶網開戶
2. 再喺支付寶開戶, 呢個類似PAYPAL咁, 用黎第時買野付款
3. 我選擇咗喺OK便利店買淘點充值券為支付寶增值, 我買咗$200
4. 上淘點網輸入OK便利店收據上面果組數字, 個網就會自動將港幣兌換成人民幣, 並加到你支付寶既戶口內
5. 然後就可以喺淘寶網買野啦~~
喺OK便利店買淘點充值券, 最少要買$200, 我上網充值兌換成人民幣後, 得番RMB161.2, 個rate好貴呀! 大家知唔知有咩其他充值方法係化算D架??
之前講過, 我阿頭叫我今年內考埋一級, 我無得再逃避, 於是的起心肝走咗去報HKU Space既"日本語能力試驗N1對策班".
全期學費$2,800, 大約上五個月, 逢星期日上堂, 每堂3小時.
剛剛果個星期日開課, 導師係一個日本人, 上堂全程講日文, 但佢應該識講流利廣東話, 因為有時佢講講吓會用廣東話黎輔助解釋.
呢個course每個星期都有"功課", 其實即係N1考試既"模擬試題", 每個星期上網download然係喺屋企自己做, 下一堂就會一齊對答案兼講解.
我而家有時間就會攞份"功課"出黎做, 唉… D題目好難呀!!
說實在N1既野根本無咩幾何喺日常生活聽得見用得著, 我自己覺得考黎都好似無咩用, 所以一直都無諗住再考, 點知我阿頭無啦啦叫我去考埋個一級試, 唉…
頑張るしかない！！
前排睇番D舊雜誌, 見到觀塘有間舖頭賣既cheese cake好吸引, 於是叫流沙包買返黎試吓.
LUNA CAKE
觀塘成業街7號東廣場地下21號舖
原味, 唔知係咪流沙包買到返黎已經"攤熱"晒, 我覺得普普通通啫...:
朱古力味, 我覺得好食過原味喎:
上星期五, 流沙包難得黎接我放工, 於是我地近近地去咗BLT Steak食飯.
沙煲咁大個既麵包, 我食咗半個咋, 如果食晒成個包真係唔駛再食其他野:
送既三文魚:
crab cake $148:
Rosemary chicken $178, 呢個麻麻地好食:
主角上場, Wagyu flat iron 10oz $370:
side dish, BB baked potato $68:
好味好味!! 呢餐埋單盛惠$905.
上幾篇我先講過話流沙包生日, 我頗不情願咁陪佢去咗功德林食齋, 食完之後我都唔敢講好食定唔好食...
到咗上星期四, 我又去食齋啦, 因為六月份係我其中一個食齋既朋友既生日月, 所以班fds就一齊去食齋勒.
今次呢間餐廳係Kaka推介既貴德宮私房素宴, 我地果晚既menu係九餸一湯, 每一味都好好食, 連我呢D唔太鍾意食齋既人都讚不絕口, 正!!
千色拼盤:
鮮露芙蓉餃:
黃金綉球. 呢個好鬼好食呀~~:
芝士焗彩菌批:
紫蘿鮮果花錦綉:
照燒釀茄子, 超超超超好食!!!:
椰香雜菜咖喱, 勁正! 佢果D"牛丸", 無論係味道同口感都根本係一粒牛丸, 完全唔覺得自己食緊齋:
香草四季平安:
鮮竹味噌浸日本粉絲:
杞子圓肉桂花糕, 造型非常可愛!:
生磨合桃露:
呢間餐廳, 唔駛等流沙包生日先一年一次啦, 我一定會再黎架!!
