2012年1月30日星期一

2011年12月25日(日) -- 柬埔寨越南6天之旅: Day 3 part 4 遊洞里薩湖, 自助晚 餐, 柬式按摩

食完個爛鬼tea之後, 我地就搭車去碼頭, 上船遊洞里薩湖(自費US$13), 呢個湖面積好大, 係東南亞最大既淡水湖, 當地柬埔寨無咩洪水氾濫成災, 都係全靠呢個湖做一個調節作用架咋.
 



我地係黃昏遊湖, 可以睇到日落, 景色一流.

















 

之後我地有個位置可以落船, 果度有間類似水上餐廳既物體, 有好多當地小朋友坐喺個大面盤度游黎游去行乞, 又有鱷魚睇, 導遊話呢D鱷魚係會賣比人, D人會用黎食用架喎


 




遊完船我地就食晚飯啦, 今晚都係自助餐. 間餐廳好大, 好似有好多野食咁, 但細心睇吓, 對我黎講就無咩啱食囉



食完晚飯之後, 仲有一個自費活動
, 就係柬式按摩, 好似係US$20, 按兩個鐘, 手勢就一般啦, 我好鬼憎佢啪手指腳指囉





2012年1月28日星期六

2011年12月25日(日) -- 柬埔寨越南6天之旅: Day 3 part 3 湼蟠宮, 午餐, 自費 下午茶

參觀完寶劍塔, 我地再去一個叫做湼蟠宮既地方.


 


湼蟠宮據說係醫病既地方(醫人既當然係巫師唔係醫生啦), 果度比水圍住, 入唔到去, 我地只係喺外圍影吓相咁. 不過由落車既地方行到入去湼蟠宮就真係有D遠囉, 行入去既時間仲耐過到咗望兩眼影兩張相既時間.
















呢一班係地雷受害者, 唔少觀光景點都會見到佢地喺度演奏樂器籌款:





 


終於行到去湼蟠宮:



睇完湼蟠宮
, 我地就去食lunch~ 今餐都係中餐, 味道麻麻












 


食完飯, 我地返酒店抖一陣, 到三點左右再出發, 下午有兩個自費節目, 分別係法式下午茶同埋遊洞里薩湖.


 


先講個下午茶, 離晒譜, US$8, 只係食個疑似delifrance法包同埋一杯咖啡, 真係賺鬼死佢.


  


個法包裏面有生菜, 札肉, 番茄, 同埋有D肉鬆之類既物體咁, 唔多好食; 飲品我要咗熱既煉奶咖啡.














我覺得呢個咁既下午茶應該取消囉, 唔係話唔比你賺, 但都要我覺得值先得架. 一來個包唔好食, 二來價錢貴, 三來我地啱啱先食完lunch無耐, 轉個頭又話食tea, 其實都唔係好食得落, 我見有位太只係飲咗杯咖啡, 成個包原封不動無食過, 好浪費囉



食完個tea, 餐廳隔離就係當地市場, 我地當然爭取時間過去感受一下當地既生活情況啦, 亦都有唔少團友去買水果.

























 

2012年1月26日星期四

2011年12月25日(日) -- 柬埔寨越南6天之旅: Day 3 part 2 鬥象台, 古代法院, 寶劍塔

離開十二生肖塔之後, 我地就再行過去鬥象台同古代法院. 鬥象台顧名思義就係古代用黎鬥象既地方. 因為古時既皇帝唔係騎馬, 係騎象的. 每一年各個省都會將當地最強壯既大象送黎比武”(其實只係將兩隻大象放係圈裏面, 邊一隻首先將對方推出圈外就為之勝出),  經過一輪淘汰後, 冠軍既大象就會成為皇帝該年既坐騎.






























至於古代法院, 係用黎警惕世人唔好做壞事, 否則落到地獄要接受審判.







 


離開鬥象台, 我地再去到寶劍塔, 寶劍塔既歷史我唔係好記得啦, 淨係記得導遊話裏面其中一個建築好有古羅馬特色喎

















D古代建築日久失修, 塌晒落黎:







 

就係呢一幢建築, 導遊話有古羅馬風格, 因為係圓柱建築:



 


 


呢個小朋友好可愛呀, 主動擺pose比我地影相, 最衰我無袋糖喺身:



離開寶劍塔既途中
, 好多小朋友湧出黎叫你買手信, 領隊小姐比人圍住咗. 當地既小朋友好厲害, 國語, 英文, 日文都識(當然來來去去只係"one dollar""一塊錢一塊錢"呢幾句啦~). D小朋友亦會問你有無糖果, 可惜我無袋喺身, 放咗喺車上面: